لو محتاج أى منتج او أى خدمه من أى شركه فى الخارج (شمال أمريكا أوأوروبا) ومش معاك كريديت كارد أو أى وسيله للدفع عن طريق الإنترنت. الموضوع ببساطه إن إحنا حندفع للبايع وإنت حتدفع لنا فى مصر (الفرع الوحيد حاليا موجود بالقاهره) وده العنوان وبقية تفاصيل الإتصال.
طبعا الخدمه دى نظير نسبه من التمن الإجمالى للمنتج أو الخدمه اللى حنوصلها لك. وده بيان بتكلفة الخدمات.
طبعا كل المنتجات موجوده فى بلدك بشكل او بآخر .. لكن مش كل خدمه موجوده مثلا لو محتاج تفتح حساب مع خدمةإتصالات زى (سكاى بى – Skype ) حيحتاجوا منك كريديت كارد وفى الغالب حيرفضوه علشان خايفين إن يكون الكارت مضروب أو مسروق. أو ممكن عن طريق(PayPal ) وده برده فيه مشاكل.
طيب إيه اللى يضمن لك فلوسك:
طبعا فى الأول الخدمه دى هى الأولى فى الشرق الأوسط ومعظم دول العالم. ومفيش حد قالك ان الشركه دى مضمونه ولا لأ.
لكن علشان الخدمه دى لسه جديده من نوعها حنديكم بعض من الشخصيات اللى موثوق فيهم وبعضم معروف كويس جدا فى مصر ودى أسماءهم وكيفية الإتصال بهم.
ثانيا .. حنوقع على عقد مبسط واللى بيه تضمن ترجع فلوسك فى أى وقت. ودى كافة الشروط الى حتتطبق علينا قبل أى عميل.
ثالثا ممكن تلقى نظره على المنتدى وفيه حتسمع كل الآراء والتعليقات من العملاء السابقين وبرده ممكن تضيف تعليقك على أى موضوع لو حبيت. أو تسأل أى سؤال.
الموضوع سهل وبسيط للغايه ومش محتاج إنك تفكر أو تتردد. هم أربع خطوات كالتالى: أول خطوه:
إنك تبعت لنا وصله لموقع او صفحه على النت بتبيع المنتج او الخدمه اللى إنت عاوزه. طبعا يكون فيها التفاصيل الكامله من حيث السعر والعدد او اى شئ ممكن تحب توضحه لنا. الخطوه التانيه:
إننا حنبعت لك رساله على بريدك الإلكترونى للتاكيد اننا وصلتنا رسالتك ونتاكد انك شخص حقيقى ومحتاج المنتج ده. الخطوه التالته:
حنبعت القيمه الإجماليه اللى المفروض تتدفعها لمكتبنا فى القاهرة. طبعا من غير قيمة الجمارك الإجماليه (لكن جزء من قيمة الجمارك المتوقعه). الخطوه الرابعه والأخيره:
بعد ما يوصل المنتج لمكتبنا فى القاهره حنبلغك باٌلإيميل وممكن بإتصال تليفونى لو كان يسمح. طبعا حنقولك القيمه المطلوبه للجمارك والدفع الإستلام فى العنوان ده.
